Меѓународниот ден на семејството се одбележува на 15 мај, а тој ден е само еден од потсетувањата колку е важно семејството како столб на секое општество, како и колку е важно да се чува, негува, почитува и развива секој ден.
Познат ви е цитатот од делото Ана Каренина кој вели „Сите среќни семејства се слични“, а многу експерти се согласуваат со Лав Толстој кој издвоил 10 модели на однесување кои се присутни во здравите и стабилни семејства.
Еве осум работи што нема да ги забележите во такви заедници:
- Не се споредуваат со другите – Се прифаќаат и сакаат такви какви што се, сфаќајќи дека сите сме несовршени. Во здраво семејство не се исмеваат едни со други недостатоци, се прифаќаат различни мислења, а постојано се поттикнува развојот на членовите на семејството, поддржувајќи го најдоброто во нив.
- Никогаш не играат улога на жртва – Членовите на едно среќно семејство, не се обвинуваат едни со други за своите проблеми. Секој е подготвен да преземе одговорност за своите постапки и никој не ја игра улогата на жртва префрлајќи ја вината на другите.
- Не се контролираат меѓусебно во сè – Љубомората и прекумерната контрола меѓу паровите обично произлегуваат од недостатокот на самодоверба. Секој има право на приватност и лични граници (на пример, време да се опушти сам). Дозволете секој член на семејството да има свој простор и тој ќе ви биде попристапен.
- Не очекуваат совршенство од другите – Време е да научите да се прифаќате себеси и другите такви какви што сме. Дали ги забележувате талентите на вашата друга половина? Дали ги фалите вашите деца за нивните достигнувања? Дали постојано критикувате или ги гледате и добрите страни? Тие знаат да ги истакнат доблестите еден на друг наместо да се расправаат и критикуваат – тоа е нивната сила.
- Не се секогаш сериозни – Тие знаат да се забавуваат, да се смеат, да се шегуваат, а со тоа и да ги обноват врските. Дури и кога животот е предизвик, тие наоѓаат можност да ја подобрат ситуацијата и се смеат на проблемот. Во контакт со нашето внатрешно дете лежи огромен ресурс што е многу важно да го задржиме во нас.
- Не се трудат да читаат мисли – Во среќното семејство знаат како да ги соопштат своите потреби на партнерот. Тие не чекаат другите да погодат како се чувствуваат во моментов. Јасните пораки се темел на зрели и силни врски.
- Не се опседнати со своите улоги – Во среќните семејства не се премногу крути во поглед на улогите. Можат да бидат флексибилни и да извршуваат повеќе задачи: денес ти готвиш – утре сум јас, денес си сам со детето – утре сум јас, ако некој од нас има потешкотии на работа, тогаш се прилагодуваме на таа ситуација.
- Не викаат еден на друг – Зборувањето на висок тон е контраиндицирано во врските, бидејќи со текот на времето луѓето престануваат да се слушаат. Наместо да викате, разговарајте, барајте компромиси. Ако ситуацијата е критична, напуштете ја просторијата неколку минути за да земете 10 длабоки вдишувања и да се смирите.
