И додека избегнувањето на одредени намирници во бременоста е важно за оптималното здравје на мајката и на бебето, постојат одлични намирници кои може да се консумираат во секое тримесечје од бременоста. Станува збор за намирници кои се исклучително здрави и хранливи и за бебето и за мајката, а и се многу вкусни.
АВОКАДО – Преполно е со омега-3 масни киселини, влакна и фолна киселина.
БАНАНА – Одличен извор на витамин Б6, калиум, влакна и витамин Ц.
ГРАВ – Извор на протеини, содржи и гфолна киселина, цинк, калциум и влакна.
БРОКУЛА – Преполна со антиоксиданти, калциум, фолна киселина и влакна.
МОРКОВ – Изобилува со бета-каротен, витамини Б6 и Ц, како и влакна и витамин А.
ЈАЈЦА – Јајцата содржат колин кој помага во развојот на мозокот на детето, а има и витамини Б12 и Д.
ЛИСНАТ ЗЕЛЕНЧУК – Ова се мега-витамини за организмот, оти содржат железо, калциум и магнезиум, како и витамин К и Ц, влакна и фолна киселина.
ЛЕЌА – Освен што е преполна со протеини, леќата е и одличен извор на фолна киселина и влакна, а има и висока концентрација на витамин Б.
ЈАТКАСТИ ПЛОДОВИ – Изобилуваат со омега-3 незаситени масти, влакна, протеини и магнезиум.
