
Аденовирусите се група на вируси кои најчесто предизвикуваат благи до потешки инфекции на дишните патишта, со симптоми слични на настинка или грип.
Понекогаш, аденовирусите можат да предизвикаат конјунктивитис, гастроентеритис, а поретко и инфекција на мочниот меур. Инфекциите со аденовирус најчесто се јавуваат во зима и во почеток на пролетта, и тоа кај деца под пет години. Сепак, може да се појават кај луѓе од сите возрасни групи.
Во повеќето случаи не е потребно да се посети лекар бидејќи болеста трае само неколку дена и може успешно да се третира дома. Исклучок се бебињата – ако детето е помало од три месеци и има треска, посетата на лекар е задолжителна, дури и при благи симптоми на вирусот
Симптоми на аденовирус кај деца
Аденовирусот се шири исклучително брзо и лесно – преку близок контакт, кашлање и кивање, како и преку допирање на заразени површини. Поради тоа најчесто се јавува кај деца помали од пет години кои често престојуваат во големи групи (градинки), ги ставаат рацете и предметите во устата, доаѓаат во близок контакт со други деца, не ги мијат често рацете и слично.
Инфекцијата со аденовирус кај децата може да трае од неколку дена до две недели, зависно од симптомите и тежината на инфекцијата. Бидејќи аденовирусите предизвикуваат кашлица во повеќето случаи, кај многу деца кашлањето може да потрае и подолго
Исто така, имунитетот кај деца под пет години сѐ уште не е доволно развиен, па не можат лесно да се одбранат од вирусите.
Најчести симптоми кај децата се:
- кашлица,
- треска,
- растечен нос,
- воспалено грло,
- бронхитис,
- пневмонија,
- конјунктивитис,
- воспаление на увото,
- зголемени лимфни јазли.
Аденовирусите може да го зафатат и дигестивниот систем и да предизвикаат пролив, мачнина, повраќање и болки во стомакот.
Инфекцијата со аденовирус кај децата може да трае од неколку дена до две недели, зависно од симптомите и тежината на инфекцијата. Бидејќи аденовирусите предизвикуваат кашлица во повеќето случаи, кај многу деца кашлањето може да потрае и подолго, дури и откако другите симптоми ќе стивнат.
Третман на аденовирус кај деца
Повеќето инфекции со аденовирус се благи и не бараат специфичен медицински третман. За оздравување, важно е да се фокусирате на лекување на симптомите кои се предизвикани од вирусот.
Тоа вклучува:
- Одмор.
- Консумирање многу течности (вода, незасладени билни чаеви, супи).
- Лесна храна.
- Парацетамол за намалување температура и ублажување на болки.
Бидејќи аденовирусите се вирусни, антибиотиците не помагаат – тие се даваат само ако постои сомнеж за бактериска компликација (на пример, отитис или пневмонија).
Кога да се посети лекар?
Во повеќето случаи не е потребно да се посети лекар бидејќи болеста трае само неколку дена и може успешно да се третира дома. Сепак, во одредени случаи е потребно да се реагира.
Ако кај детето забележите општа малаксаност, знаци на дехидрација (сува уста и кожа, немање солзи при плачење, слабо мокрење, темна урина), кашлица која задушува или отежнато дишење, како и висока температура која не може да се намали, важно е итно да се обратите на лекар, кој ќе препише соодветна терапија.
Ако детето е помало од три месеци и има треска, посетата на лекар е задолжителна, дури и при благи симптоми.
Превенција
Иако не постои вакцина за аденовирус кај општата популација, редовното миење раце, проветрување на просториите, избегнување контакт со заразени деца и хигиена на играчките може значително да го намалат ризикот од заразување.