Појавата на воспалителни лезии на аголот на устата, медицински се нарекува аголен стоматитис, што всушност значи инфекција на аглите на усните. Оваа состојба се нарекува и хеилоза и често се случува и на двете страни на устата. Состојбата почнува како длабоки пукнатини, а во полоши случаи, може да дојде и до крварење кога устата е отворена, па се создаваат плитки чирови или се формира кора. Белите точки на слузницата во усната шуплина (од внатрешната страна на образите, на јазикот, на непцата) се афти кои се многу болни и непријатни.
Иако станува збор за различни болести, едно им е заедничко: валкани раце и лоша хигиена на устата и на забите “помагаат“ при појавата и на афтите и на инфекцијата на аглите на устата.
Што предизвикува појава на афти?
Вирусите се главни инфективни причинители на афтите, а го предизвикуваат вируси кои се пренесуваат преку валкани раце. Има деца кои немаат вирусно воспаление на слузницата, а сепак повремено имаат афти. Тоа обично се случува кога ќе дојде до пад на имунитетот. Постои и склоност кон појава на афти (некои деца секогаш добиваат агти кога ќе се грзинат за јазикот), но лошата хигиена е нивен најголем непријател. Неизмиено (или лошо измиено) овошје или зеленчук може да допринесе на појава на афтите.
Зошто се јавуваат испукани агли на устата?
Аголниот стоматитис се појавува кога аглите на устата ќе испукаат, па се јабвува црвенило и чешање. Микроорганизмите лесно продираат низ оваа “отворена врата“ и го влошуваат текот на болеста – црвенилото се шири, а неснесното лижење и чешање само повеќе ја загрозува состојбата. Лошата хигиена е главен “промотор“ на аголниот стоматитис. Постојат ретки болести на органите за варење кои може да се манифестираат на кожата на устата и на слузницата на усната шуплина ( на пр. Кронова болест), а долготрајниот недостиг на витамини од Б групата или микроелементи се редок причинител за ова заболување.
А, да не е херпес?
Не! Херпесот е чисто вирусна болест на кожата и слузокожата која поинаку изгледа. Прво се јавува пецкање, па пликови кои пукаат и се шират по кожата.
