Септември е време на алергија, особено на амброзија, а во исто време присутни се и многу вируси со кои децата можат да се заразат. Симптомите многу често се слични, па родителите не можат да препознаат дали детето има алергија или е инфицирано со некој вирус.
На детето му солзат очите, кашла и кива… Значи, дали е во прашање алергија или вирус?
АКО ДЕТЕТО Е ПОМАЛО ОД ЕДНА ГОДИНА, ВЕРОЈАТНО Е НАСТИНКА
Многу е ретка појавата да детет помало од една година има сезонска алергија. Ако има, морало да биде многу почесто изложено на алергени. Секако, детето може да има алергиска реакција на нешто, но сезонските алергии кај толку мали деца се навистина ретка појава.
ТЕМПЕРАТУРАТА ОБИЧНО СИГНАЛИЗИРА ДЕКА Е ВО ПРАШАЊЕ НАСТИНКА ИЛИ ВИРУСНА ИНФЕКЦИЈА
Ако детето има температура, тогаш е во прашање настинка или вирус. Алергиите не доведуваат до покачување на телесната температура.
ЗАМОРОТ И ИСЦРПЕНОСТА СЕ ПОКАЗАТЕЛИ ЗА НАСТИНКА ИЛИ ВИРУСНА ИНФЕКЦИЈА
Ако забележите дека детето е исцрпено и многу уморно, тогаш веројатно не е во прашање алергија. Дете кое има алергија не се чувствува најдобро, но може да функционира нормално и да следи настава.
ПОГЛЕДНЕТЕ ГИ ОЧИТЕ НА ДЕТЕТО
Ако го чешаат и ако солзат, тогаш не е во прашање алергија. Ако долните капаци ја имаат променето бојата и се црвени, тоа е уште еден показател на алергија.
ПРОВЕРЕТЕ КАКОВ Е ИСЦЕДОКОТ ОД НОСОТ
Ако е чист, а е проследен со црвенио на очите, тогаш најверојатно се работи за алергија. Ако исцедокот е густ, тогаш е во прашање вирус или настинка.
ОБРНЕТЕ ВНИМАНИЕ НА ВРЕМЕТРАЕЊЕТО НА СИМПТОМИТЕ
Симптомите на обична настинка ретко траат подолго од две недели. Алергијата може да трае се додека трае изложеноста на алергенот, што може да биде доста долго време.
