Тврдоглавоста, немирот и постојаното „испитување на границите“ често ги исцрпуваат родителите. Но, она што денес изгледа како проблематично однесување, утре може да се претвори во голема предност.
Многу од особините со кои децата ги ставаат родителите на тест – всушност се темел за развој на самостојна, храбра и успешна личност. Наместо само да се обидувате да ги „исправите“, важно е да ги разберете и насочите.
Затоа, обидете се да им пристапите со трпение, разговор и разбирање. Колку и да звучи тешко, некои од тие особини вреди да се негуваат – затоа што токму тие можат да му помогнат на детето да успее во животот.
Еве што навистина значат:
Детето има цврст став и е тврдоглаво
Денес тоа значи расправии и инсистирање по секоја цена.
Но утре – тоа може да биде личност со силна волја, која знае што сака и не се откажува лесно.
Детето е изразено љубопитно
Често поставува прашања и влегува во ситуации што ве загрижуваат.
Но утре – тоа може да биде човек кој постојано бара знаење, вистина и нови искуства.
Детето сака ризични активности
Паѓа, се повредува и постојано тестира граници.
Но утре – ќе има храброст да се соочи со предизвици и да не се плаши од неуспех.
Детето многу мечтае
Понекогаш изгледа отсутно или „во свој свет“.
Но утре – токму таа имагинација може да прерасне во креативност и големи идеи.
Детето е „посебно“ на свој начин
Не се вклопува секогаш во очекувањата.
Но утре – може да стане личност која размислува поинаку, носи нови идеи и го гледа светот од поинаква перспектива.
На крајот, можеби најважно е да се запомни: Детето не треба да се „скрши“ за да се вклопи – туку да се насочи за да го искористи својот потенцијал.
