Да се биде родител за првпат може да биде тешко и страшно, но нормално е да се прават грешки. Меѓутоа, понекогаш може да се запрашаме дали добро си ја вршиме работата. Затоа, семејната и брачна советничка Тина Феј открива неколку знаци кои укажуваат дека сме добри родители.
1. Секогаш сте спремни да учите
Секое дете е единствено. Ова значи дека она што функционира за еден родител може да не работи за друг, а истото важи и за децата.
„Ако постојано читате книги за родителство, истражувате совети на интернет или барате совет од други родители, потчукнете се по рамото. Тоа покажува дека сте слободоумни и секогаш подготвени да научите нови работи за да бидете најдобар родител“, вели Феј.
2. Се трудите да бидете трпеливи
Родителството бара многу трпение. Од справување со напади на бес и непроспиени ноќи, до менување пелени и хранење, сето тоа може да биде вистински тест за смиреност. Советничката објаснува: „Значи, ако сте откриле дека нивото на вашето трпение вртоглаво пораснало откако сте добиле дете, сметајте го тоа за победа!
3. Сакате дури и кога е тешко
Постојат денови кога бебињата не престануваат да плачат или не сакаат да спијат. Нормално е да се чувствувате фрустрирани поради ова.
„Ќе има денови кога ќе мислите дека повеќе не можете да издржите. Но, тогаш, среде сиот овој хаос, вашето бебе ве гледа со тие невини очи, а вие сте исполнети со љубов толку силна што ви го одзема здивот. Ако сте ја доживеале оваа огромна љубов поради која сите проблеми се исплателе, тогаш правите неверојатна работа како родител за првпат“, тврди Феј. Љубовта е најважна.
4. Славите мали победи
Секое мало достигнување е причина за славење. “Ако често славите некоја мала победа, тогаш правите неверојатна работа. Тоа покажува дека сте присутни и посветени на развојот на вашето дете”, вели Феј. Некои моменти можеби изгледаат мали, но тие се монументални на родителското патување.
5. Си дозволувате да правите грешки
Родителството е тешко и лесно е да се прават грешки. Меѓутоа, ако сме способни да ги признаеме овие грешки и да научиме од нив, тогаш добро ја вршиме работата како родители.
“Не постои такво нешто како совршено родителство, затоа секогаш трудете се да бидете љубезни кон себе. Правите најдобро што можете и тоа е повеќе од доволно”, заклучува Феј.
