Во желба да поминете прекрасен ден во природа, сте ги преземале сите мерки на претпазливост, но враќањето дома не значи дека опасноста поминала. Колку и да сте биле внимателни, постои можност да не сте избегнале каснување од крлеж.
По враќањето дома, проверете ја косата на сите членови на семејството, но и крзното на домашното милениче.
Кај децата кожата е нежна и погодна за крлежи. Кај нив вообичаено страдаат потколениците, но и локации како што е вратот, делот зад увото, па и косата, бидејќи има крлежи и на дрвата.
Ако сепак сте пронашле крлеж на кожата, ваша или на детето, ова мора да го направите!
ИЗВАДЕТЕ ГО ВЕДНАШ, НИ СЛУЧАЈНО НЕ ГО ПРЕМАЧКУВАЈТЕ СО МАСЛО
Ако сте воочиле крлеж во кожата, важно е да го извадите што побрзо – ризикот од инфекција е поголем колку подолго крлежот е прицврстен. Полесно е да се извади во првите неколку часа по убодот. Веднаш треба да се извади со пинцета, фатете го што поблизу до главата, покрај кожата и со лесно повлекување извлечете го од кожата.
Немојте со ништо да го премачкувате крлежот (алкохол, крема, лак за нокти, масло, петролеј и слично) или да го “палите“ со пламен. Крлежот не го повлекувајте нагло, оти со тоа сее предизвикува негово грчење и засилено излачување на поголема количина секрет и причинител на болести во човечкото тело ако крлежот е заразен.
Ако не сте сигурни како да го извадите или не сте успеале во целост, отидете на лекар.
- Секое дете кое ќе го касне крлеж мора барем две недели да прима антибиотска терапија. Таа се спроведува поради спречување на многу опасна болест – борелиоза (Лајмска болест).
- Секој трет крлеж носи предизвикувал на оваа болест на себе и го пренесува при каснување.
- . Најкритични периоди за лајм борелиоза се од мај до јули кога младите крлежи, кои тешко се забележуваат, се најактивни,
- Најкарактеристичен знак кој укажува дека крлежот бил заразен е црвенило без оток кое се шири симетрично, а се јавува на каснатото место 3 дена до 4 недели по каснувањето (erythema migrans). Истовремено се јавува и болест слична на грип, следена со покачена температура, грозница, болка во мускулите и главоболка.
