Сите сме се нашле во слична ситуација: среде ноќ е, вашето бебе изгледа сè полошо со секој изминат момент, а вие се двоумите што да направите и не знаете дали треба да го однесете во болница или не.
Во такви моменти навистина е тешко да се донесе одлука, но според лекарите, доколку се двоумите, секогаш треба да направите проверка на здравјето на вашето бебе кај лекар.
Според д-р Голи, родителите треба да обрнат внимание на тоа дали се вовлекува градниот кош на детето при вдишување – тоа е знак дека бебето вложува напор да дише
Д-р Голи, педијатар од Мелбурн и татко на три деца, открива кои се предупредувачките знаци што родителите никогаш не смеат да ги игнорираат кога имаат болно бебе.
„Отежнато дишење и дехидрација. Тоа се двата големи сигнали за тревога“, вели тој.
„Родителите треба да внимаваат на сите знаци на нарушено дишење – ако детето дише потешко, побрзо или побучно. Секој од овие симптоми треба веднаш да ве упати на лекар.“
Според д-р Голи, родителите треба да обрнат внимание на тоа дали се вовлекува градниот кош на детето при вдишување – тоа е знак дека бебето вложува напор да дише.
Вториот важен знак што треба да се следи е дехидрацијата. Д-р Голи предупредува дека дехидрацијата може да се појави многу брзо, па затоа секогаш треба да имате при рака орален рехидратациски раствор или електролитен напиток за домашна употреба.
„Кај помалите бебиња, јас користам шприц за лекови за да им давам околу 5 мл наеднаш – ако го правите тоа редовно, тоа може да биде клучната разлика помеѓу потребата од болничка интервенција и безбедното лекување дома“, објаснува тој.
