Откако вие и вашиот партнер ќе одлучите дека е време за бебе, низ главата почнува да ви се врти прашањето: „Дали сум сега можеби бремена?“ Најдобар доказ дека сте е тест за бременост и секако, одење на гинеколошки преглед.
Но, постојат некои рани знаци на бременост кои потенцијално можат да ви дадат одговор на ова прашање пред тестовите, лекарите, па дури и пред да ви задоцни менструацијата.
Доколку сакате да бидете сигурни во бременоста, направете домашен тест и посетете лекар
Пред да ги наведеме трите рани знаци на бременост, имајте предвид дека многу знаци и симптоми не се единствени само за бременоста. Некои симптоми може да значат и дека ќе се разболите или дека наскоро ќе добиете менструација. Исто така, можете да бидете бремени и без да имате некој од вообичаените симптоми.
Доколку сакате да бидете сигурни во бременоста, направете домашен тест и посетете лекар.
Во продолжение, три рани знаци на бременост кои би можеле да откријат дека сте бремени уште пред да ги преземете споменатите конкретни чекори.
- Промени во градите
Штом жената забремени, се случуваат промени во градите, кои почнуваат да се подготвуваат за хранење на детето. Овие промени може да вклучуваат осетливост, пецкање при температурни промени и раст на градите. Ареолите стануваат потемни, а малите жлезди на нив стануваат поиспакнати.
- Зголемување на либидото
Уште на самиот почеток на бременоста, либидото кај жените може да се зголеми. Причината за зголеменото либидо се промените во нивото на хормоните кои можат да влијаат на зголемената желба за секс.
Важно е да знаете дека не треба да избегнувате секс во првите недели од бременоста, освен ако имате некои компликации, односно ризична бременост. Во овој случај, задолжително консултирајте се со лекар.
- Замор/исцрпеност
Заморот е еден од најраните симптоми на бременоста. Никој со сигурност не знае што предизвикува поспаност во првиот триместар, но можно е брзиот пораст на нивото на хормонот прогестерон за време на раната бременост да придонесе за замор.
Освен замор, хормоналните промени може да предизвикаат мачнини и промени во расположението. Најдобриот совет е да се одморите колку што можете повеќе.
