Според новиот извештај, научниците откриле уште еден симптом на долгиот Ковид.
Акроцијаноза, состојба каде што кожата посинува поради насобирање венска крв во нозете, може да биде уште еден симптом на долготрајниот Ковид, се вели во извештајот објавен во списанието „Лансет“.
Во извештајот е опишан случајот на 33-годишен маж кој откако стоел 10 минути видел дека му помодриле нозете, а имал и чувство на тежина и чешање. Бојата на кожата се вратила во нормала по само две минути лежење, пишува CIDRAP.
Акроцијаноза е состојба каде што кожата посинува поради насобирање венска крв во нозете
До тој момент, човекот никогаш претходно немал сини нозе, се до дијагнозата на долг Ковид, а подоцна и синдром на постурална ортостатска тахикардија (POTS), нарушување што предизвикува неправилно зголемување на отчукувањата на срцето при стоење. Додека лежел, пулсот му бил 68 отчукувања во минута, но по осум минути стоење, пулсот му се искачил на максимални 127 отчукувања во минута.
Авторите на извештајот напоменуваат дека случаи на акроцијаноза се забележани кај децата по поствирусни заболувања, но ретки случаи досега се поврзани со долготраен Ковид.
„Луѓето кои го доживуваат овој симптом можеби не се свесни дека може да биде поврзан со долготраен Ковид и дисавтономија, што може да предизвика загриженост. Слично на тоа, лекарите можеби не се свесни за врската помеѓу акроцијанозата и долгорочниот Ковид“, истакна водечкиот автор на извештајот, д-р Маној Сиван, во соопштението за медиумите на Универзитетот во Лидс.
