Односот со децата е клучен за нивниот раст и развој. Но, поради денешниот брз и модерен начин на живот, родителите понекогаш може да ја занемарат оваа важна врска. За среќа, детскиот психолог и едукатор за воспитување, Џејми Блох, открива пет едноставни начини како да го подобрите односот со децата.
1. Вклучете се во имагинативна игра заснована на нивните интереси
„На пример, ќерка ми сака коњи, па се преправаме дека јава коњ со тоа што ќе ми потскокнува горе-долу во скутот“, објаснува Блох.
2. Ефективно комуницирајте
Психологот ја истакнува важноста на разговорот со децата. Клучот е активно да ги слушате додека ни кажуваат за нивните грижи, настани, интереси и се останато.
3. Покажете интерес за нивните интереси
„Преку прашања можете да создадете можности децата да ги споделат своите страсти и интереси со вас“, советува Блох.
4. Обезбедете им можности да истражуваат
Родителите треба да им овозможат на своите деца да истражуваат и да учат за работи кои ги интересираат и кои ги прават среќни, вели психологот. Ова може да ја поттикне нивната љубопитност и желба за понатамошно учење.
5. Создадете време за искуства и обезбедете можности за независност и градење самодоверба
Треба да им обезбедиме на децата можности или да создадеме средина каде што ќе можат да изградат независност и самодоверба, но сепак можеме да бидеме тука за нив во тие моменти, тврди Блох.
„Важно е да покажеме интерес за интересите на нашите деца, дури и кога овие интереси не се совпаѓаат со нашите. Начинот на кој реагираме на нивните страсти и интереси може да влијае на нашиот однос со нив и начинот на кој тие комуницираат со нас“, заклучува психологот.
