Потребно:
- 2 јајца
- 400 мл јогурт
- 1 лажичка сол
- 500 гр брашно без глутен
- 1 прашок за печиво
Подготовка: Измешајте ги јајцата и јогуртот и по ред додавајте ги брашното, солта и прашокот за печиво. Состојките измешајте ги со перките од рачниот миксер за тесто и кога ќе добиете мазно тесто префрлете го на набрашнета површина и уште малку месете го. Рерната загрејте ја на 200 степени, а тестото префрлете го во калапот за печење, претходно обложен со хартија за печење. Тестото мора да биде малку лепливо, а потоа исечете го со нож на неколку места и премачкајте го со путер. Печете 40 до 45 минути, а кога ќе се испече лебот, наросете го со вода и покријте го со крпа. Добар апетит!
