Надуеност и болки во стомакот, гасови, запек или комбинација на едно и друго, симптоми се кои упатуваат на често пореметување во дигестивниот систем – синдром на иритабилно црево, кој ги зафаќа и најмладите. Причините за тегобите се бројни: недоволно движење, психолошки фактори, а пред се нездрава исхрана.
На децата кои имаат синдром на иритабилно црево, тегобите често им ги предизвикуваат јаглехидратите од одредени намирници, а пред се од слаткото овошје. Кратенка за нив е FODMAP, превзена од англискиот јазик, а се работи за ферементирани олигосахариди, дисахариди, моносахариди и шеќерен алкохол. Со оглед дека сложените јаглехидрати не се преработуваат во тенкото црево, преминуваат во дебелото црево и предизвикуваат задржување на вода, што доведува до пореметување на дигестијата. Исто така, бактериите во дебелото црево ги користат како својата храна, ферментирајќи ги и како последица доаѓа до ослободување на голема количина на гасови.
Препорака е избегнување на намирници со висока содржина на FODMAP, односно тешко сварливи јаглехидрати.
Во првата елиминациска фаза, која е времена и трае 4 недели, од овошје треба да се иззбегнуваат слатки јаболки, крушку, праски, лубеница… Исто така, се препорачува да се исфрли и млекото, како и останатите млечни производи кои содржат лактоза, оти и таа спаѓа во FODMAP. Од зеленчук во елиминациската диета, детето не смее да јаде мешунки, кромид, зелка, брокула и карфиол. Неопходно е да се избегнува и мед, слатки, чоколадо, сладолед и овошни сокови.
Интересно е дека чајот од камилица, за кои многумина се уверени дека не може да штети, всушност содржи многу FODMAP и создава проблеми на сите пациенти со синдром на иритабилни црева.
За време на оваа диета кај 70% од пациентите се очекува значајно намалување илии целосно исчезнување на симптомите. Потоа следи фаза на постапно воведување на намирниците. Во текот на наредните месеци се очекува детето добро да ги поднесе поголемиот дел од повторно воведените намирници, но треба да се очекува и тоа дека и натаму ќе постојат неколку намирници кои тоа нема да ги поднесува и коии трајно ќе мора да се елиминираат од менито.
