Алергискиот проктоколитис е одложена алергиска реакција на страни протеини која се случува кај новороденчиња. Станува збор за бенигна состојба, но, заради општото здравје на детето, потребно е да се елиминира.
Алергискиот проктоколитис е вид на алергија на храна при која во дебелото црево и ректумот настанува одложена алергиска реакција која предизвикува воспаленија. Овој тип на алергија се јавува кај новороденчиња и бебиња стари до шест месеци и се манифестира со воденеста, а понекогаш и нормална столица, која секогаш е измешана со крв и слуз.
Алергиски проктоколитис е привремена состојба. Кај 50 % од доенчињата исчезнува до шестмесечна возраст, а кај 95 % до деветмесечна возраст. Општо се препорачува повторно воведување на предизвикувачката храна во исхраната на мајката или детето по елиминација од шест месеци или на возраст од 12 месеци. За доенчиња со посериозни симптоми, се препорачува постепено воведување
Што го предизвикува алергискиот проктоколитис?
Главните протеински тригери на алергиски проктоколитис се протеинот од кравјо млеко или протеинот од соја или во мајчиното млеко или во детската формула.
Алергиската реакција во ретки случаи може да ја предизвикаат и други намирници богати со протеини, како што се јајцата, рибата, оризот или производи кои содржат протеини од пченка и пченица.
Симптоми
Главните симптоми се крв или слуз во столицата. Во почетокот, крвта или слузта не мора нужно да бидат постојано присутни и детето неколку дена може да има потполно нормална столица, но ако повторно се појават овие симптоми, потребно е да се преземат одредени мерки.
Важно е да се нагласи дека алергискиот проктоколитис не е вид на алергија што предизвикува анафилактичен шок, и затоа не е смртоносен. Сепак, за доброто на детето, важно е што побрзо да се открие и да се отстранат факторите што го предизвикуваат.
Како се дијагностицира и лекува?
За дијагноза на алергиски проктоколитис не постојат специфични тестови, прегледи ниту лек. Откако лекарот ќе ги исклучи сите други болести и ќе утврди дека се работи за алергија на страни протеини, ќе препорача постепено исклучување на одредени или дури сите намирници кои би можеле да предизвикаат алергии кај детето и мајката, и да се следат промените.
По прекинувањето на консумацијата на сите намирници кои се потенцијален причинител на алергиската реакција, состојбата би требало да почне да се подобрува во првите 48 до 72 часа. Ваквата исхрана треба да продолжи до околу првата година на детето, кога ќе му се зајакне имунитетот и ќе почне да ги поднесува сите намирници.
За дијагноза на алергиски проктоколитис не постојат специфични тестови, прегледи ниту лек. Откако лекарот ќе ги исклучи сите други болести и ќе утврди дека се работи за алергија на страни протеини, ќе препорача постепено исклучување на одредени или дури сите намирници кои би можеле да предизвикаат алергии кај детето и мајката, и да се следат промените
Заклучок
Алергискиот проктоколитис е одложена алергиска реакција на страни протеини која се јавува кај новороденчиња и деца до шест месеци старост. Се манифестира преку столица со крв и слуз, а кај некои бебиња може да се појават и помали стомачни болки или раздразливост, иако обично се во добра здравствена состојба и напредуваат. Го предизвикуваат намирници како кравјото млеко, производи од соја, риба, јајца и други намирници богати со протеини што ги консумира мајката, а чии протеини, преку доењето, стигнуваат до детето. За алергискиот проктоколитис не постојат лекови, туку мајката од својата исхрана треба да отстрани одредени или сите намирници кои го предизвикуваат.
