♦♦♦♦♦♦♦
Институтот „Роберт Кох“ ги објави резултатите од анализата која конечно дава одговор на прашањето околу кое се кршеа копјата, а тоа е колку отворањето на училиштата и наставата во нив придонесува за ширење на вирусот SARS-CoV-2, односно зголемување на бројот на тешки случаи и смрт од Ковид-19.
Се чини дека наставниците играат поважна улога (во ширењето на вирусот) отколку учениците
Станува збор за анализа на мноштво релевантни податоци што институтот „Роберт Кох“ постојано ги собира, следејќи ја епидемиолошката состојба во Германија.
„Презентираните податоци и студии укажуваат на тоа дека учениците обично не играат поизразена улога на „мотор“ (епидемија), и дека зачестеноста на инфекцијата кај нив е тесно поврзана со инциденцата кај целото население“, се наведува во заклучоците.
Поконкретно, Институтот наведува дека во текот на 18-те набљудувани недели во Германија биле забележани 1.020 избувнувања на жаришта во училиштата, во кои е забележано дека вирусот понатаму го пренеле 5.404 заразени ученици. Затоа, „Роберт Кох“ во истражувањето наведува дека мора да се земе предвид опасноста од ширење на епидемијата и во училиштата.
„Се чини дека наставниците играат поважна улога (во ширењето на вирусот) отколку учениците“.
Кога училиштата биле отворени со воведување во директна настава на само некои, а не сите одделенија, бројот на инфекции поврзани со училишните случаи се зголемил само малку. Но, повторното отворање на средните училишта, сепак, имало многу поголемо влијание врз повторното ширење на инфекцијата
Затоа Институтот нагласува дека е важно при затворање или повторно отворање на училиштата, силно да се води сметка за стапката на ширење на вирусот кај населението во таа област во дадениот момент. Оттаму посебно нагласуваат дека моделите на настава може да се комбинираат: учење на далечина, хибридни модели, зголемување на растојанието.
Институтот, исто така, го коментира и ширењето на британската варијанта на коронавирус B.1.1.7. Велат дека податоците кои се познати денес во врска со оваа варијанта укажуваат на тоа дека станува збор за мутација што довела до тоа коронавирусот полесно да се пренесува.
„Ваквата полесна преносливост се забележува кај сите возрасни групи, вклучително и кај децата и младите. Тоа би можело да значи дека со ширењето на позаразните варијанти на коронавирусот, училиштата би можеле да почнат да претставуваат значаен фактор во ширењето на епидемијата, што исто така треба да се земе предвид при одлуката за отворање“, велат од „Роберт Кох“.
Враќањето на сите деца од основно училиште, сепак, довело до значително зголемување на преносот на инфекцијата меѓу учениците
Поединечно, од Институтот забележуваат неколку работи од втората половина на 2020 година. Кога училиштата се отворале со воведување во директна настава на само некои, а не сите одделенија, бројот на инфекции поврзани со училишните случаи се зголемил само малку.
Но, повторното отворање на средните училишта, сепак, имало многу поголемо влијание врз повторното ширење на инфекцијата. И обете варијанти на враќање на учениците на училиште биле набљудувани во однос на зголемувањето на случаи на интензивна нега, еден месец по враќањето на учениците на училиште.
Понатаму, кога половина од учениците се вратиле на часови, инфекцијата, со почитување на мерките, не се зголемила значително, што е проверено и во Данска и во Норвешка. Но, враќањето на сите деца од основно училиште, сепак, довело до значително зголемување на преносот на инфекцијата меѓу учениците.
Конечниот заклучок, пак, за мутираната британска варијанта B.1.1.7 се однесува на набљудување на движењето на вредноста на „Р“. „Р може да падне под 1 само ако училиштата се затворени“, велат од „Роберт Кох“.
Конечно, се наведува и „реална можност“ B.1.1.7 со себе да носи поголема стапка на смртност од Ковид-19. (Н1)
