Доенчињата и малите деца кои добиле антибиотици може да имаат помалку силен имунолошки одговор на рутинските вакцини во детството, предупредува ново истражување. Ова е прва студија која сугерира дека антибиотицитеби можеле да ја намалат способноста на децата да создаваат антитела за борба против инфекциите како одговор на вакцинацијата.
Инаку, одамна е познато дека децата се разликуваат во јачината на одговорот на антителата на вакцинацијата, а причините за овие варијации се главно непознати.
Исто така, се покажало дека колку повеќе антибиотици примало детето во првата година од животот, толку биле пониски нивоата на антитела на вакцината на возраст од 12 до 15 месеци. Секој дополнителен антибиотик бил поврзан со пад на новоата на антитела од 6% до 11%, во зависност од вакцината.
Според мислењето на експертите, важно е да се има предвид дека антибиотиците лекуваат само бактериски инфекции и не дека не смеат да се користат за вирусни инфекции како настинка или грип. Значи, родителите не треба да бараат од педијатрите рецепт за антибиотици за овие типови на болести.
Извор: Pediatrics
