Ерин Бахадур (36) од Северна Каролина во декември 2020 година го родила своето второ дете, девојчето Реми. Поради placenta previa била подложена на итен царски рез, по што добила 40 конци на стомакот. Таа се соблече и ја покажа својата поголема лузна, за да се дознае низ што поминува женското тело за да донесе нов живот на свет.
Иако царскиот рез поминал добро, Реми пристигнала пет недели порано и морала да помине 15 дена на одделот за неонатална интензивна нега, додека Ерин останала со 40 конци што го држеле стомакот заедно и една голема лузна.
Храбрата мајка решила да биде искрена со своите пријатели на социјалните мрежи, каде што има над 28.000 следбеници, и да ја сподели реалноста за нејзината состојба. Сега е на пат кон самоприфаќање и вели дека се чувствува „гордо“ на своето тело и на она што го постигнало.
„Јас сум визуелен тип, па фотографиите со лузната ми помагаат да го нормализирам она што му се случи на моето тело. Понекогаш, поради хормоните и непроспиените ноќи, ги забораваме првите денови. Сакав да им покажам на другите жени дека не секое раѓање е исто и дека треба да се слават и оние кои се атипични. Лузната за мене претставува сила. Ме воодушевува тоа што има место низ кое сум била отворена за да излезе друг живот. Тоа е вратата низ која стигна ќерка ми на свет и јас сум многу горда“, напиша таа на Инстаграм.
Иако царскиот рез поминал добро, Реми пристигнала пет недели порано и морала да помине 15 дена на одделот за неонатална интензивна нега, додека Ерин останала со 40 конци што го држеле стомакот заедно и една голема лузна
Во меѓувреме, на Ерин и биле отстранети конците, но објавила
фотографии од лузната
„Постпарталниот период не е секогаш прекрасен. Неуреден, крвав и застрашувачки. Емоциите понекогаш се покомплексни од што било физичко што сме искусиле“, додаде таа.
Таа предупреди дека на социјалните мрежи гледаме идеални фотографии, кои се далеку од реалноста.
„Гледаме розови сцени на породување и мајчинство, но моето искуство, и кај двете раѓања, покажува дека тоа не е секогаш така. Поради насмеаните мајки и бебиња, на жените може да им биде тешко да прифатат дека поминале низ траума. Сакам да зборуваме за работи за кои луѓето не зборуваат. Сакам да ги видам и слушнам сите жени“, заклучи таа.
