Ажурирани препораки за заштита на децата за време на COVID-19: Ако децата се сретнуваат во групи, тоа може да ги доведе во опасност сите

Клучот за успорување на ширењето на COVID-19 е да се ограничат контактите колку што е можно повеќе. Додека училиштето е распуштено, децата не треба да имаат „состаноци за играње“ со деца од други домаќинства. Ако децата играат надвор од своите домови, важно е тие да останат на 2 метри од секој што не е од нивното домаќинство

Децата на двегодишна возраст и постари треба да носат заштитна маска за лице (над носот и устата) кога се на јавни места каде што е тешко да се практикува социјално дистанцирање

Американскиот центар за контрола и превенција на болести CDC ги ажурираше советите за заштита на децата за време на COVID-19 пандемијата

 

„Врз основа на достапните докази, децата не се изложени на поголем ризик за COVID-19 од возрасните. И додека некои од децата и новороденчињата биле болни од COVID-19, возрасните се тие кои ги сочинуваат повеќето од досега познати случаи“, пишува CDC на својата веб-страница.

ВНИМАВАЈТЕ НА ВАШЕТО ДЕТЕ ЗА КАКВИ БИЛО ЗНАЦИ НА БОЛЕСТА COVID-19

COVID-19 може да изгледа различно кај различни луѓе. За многу луѓе, да се биде болен од COVID-19 e слично помалку со тоа како да имаат грип. Луѓето можат да добијат треска, кашлица или да имаат потешкотии да земат длабок здив. Повеќето луѓе кои се инфицирале со COVID-19 не се разболеле тешко. Само мала група на луѓе што го добиле вирусот имале посериозни проблеми.

CDC и партнерите испитуваат случаи на мултисистемскиот воспалителен синдром кај децата (MIS-C), кој се поврзува со COVID-19.

Одржувајте растојание помеѓу вашите деца и другите луѓе надвор од вашиот дом. Чувајте ги децата на најмалку 2 метри од другите луѓе
Бидете сигурни дека децата ги практикуваат секојдневно превентивните мерки, како што е често миење на рацете со сапун и вода најмалку 20 секунди. Ова е особено важно ако сте биле на јавно место
ПРЕЗЕМЕТЕ ЧЕКОРИ ЗА ДА ГИ ЗАШТИТИТЕ ДЕЦАТА И ДРУГИТЕ

Помогнете да се запре ширењето на COVID-19 со тоа што ќе ги правите сите работи кои секој би ги правел за да остане здрав. Научете ги вашите деца да го прават истото:

  • Мијте ги рацете често користејќи сапун и вода или дезинфекционо средство на база на алкохол;
  • Избегнувајте лица кои се болни (кашлаат и киваат);
  • Одржувајте растојание помеѓу вашите деца и другите луѓе надвор од вашиот дом. Чувајте ги децата на најмалку 2 метри од другите луѓе;
  • Децата на двегодишна возраст и постари треба да носат заштитна маска за лице (над носот и устата) кога се на јавни места каде што е тешко да се практикува социјално дистанцирање;
  • Исчистете ги и дезинфицирајте ги површините кои често ги допирате во домот (како маси, столови, прекинувачи за светло, далечински управувачи, рачки, работни бироа, тоалети и мијалници).
  • Перете ги работите кои се за перење во машина, вклучително и играчките, по потреба. Следете ги упатствата на производителот. Ако е можно, исперете ги со највисоката температура за вода на машината и исушете ги целосно. Валканите алишта од болно лице можат да се перат со алишта на други луѓе.
Додека училиштето е распуштено, децата не треба да имаат „состаноци за играње“ со деца од други домаќинства
ОГРАНИЧЕТЕ ГО ВРЕМЕТО ПОМИНАТО СО ДРУГИ ДЕЦА

Ако децата се сретнуваат во групи, тоа може да ги доведе во опасност сите. Децата можат да го пренесат овој вирус на други лица кои имаат зголемен ризик од сериозни заболувања од COVID-19.

  • Практикувајте социјално дистанцирање

Клучот за успорување на ширењето на COVID-19 е да се ограничат контактите колку што е можно повеќе. Додека училиштето е распуштено, децата не треба да имаат „состаноци за играње“ со деца од други домаќинства. Ако децата играат надвор од своите домови, важно е тие да останат на 2 метри од секој што не е во нивното домаќинство.

За да им помогнете на децата да одржуваат социјални врски додека се социјално дистанцирани, помогнете им да воспостават телефонски повици или видео разговори со своите пријатели, под ваш надзор.

  • Мијте ги често рацете

Бидете сигурни дека децата ги практикуваат секојдневно превентивните мерки, како што е често миење на рацете со сапун и вода најмалку 20 секунди. Ова е особено важно ако сте биле на јавно место.

  • Променете ги плановите за патувања

Ревидирајте ги плановите за патување доколку вклучуваат патување кое не е суштинско.

Ако некој кој е со поголем ризик за COVID-19 се грижи за децата (постари возрасни, како што е баба или дедо или некој со хронична медицинска состојба), ограничете го контактот на вашите деца со други луѓе
ОГРАНИЧЕТЕ ГО ВРЕМЕТО СО ЛУЃЕ КОИ ИМААТ НАЈГОЛЕМ РИЗИК ОД ТЕШКА БОЛЕСТ ОД COVID-19

Ако други во вашиот дом имаат зголемен ризик од тешка болест од COVID-19, разгледајте дополнителни мерки на претпазливост за да го одделите вашето дете од тие луѓе.

Ако не можете да останете дома со вашето дете додека училиштето е распуштено, внимателно размислете кој би можел да биде најдобар избор за да обезбеди грижа за децата. Ако некој кој е со поголем ризик за COVID-19 се грижи за децата (постари возрасни, како што е баба или дедо или некој со хронична медицинска состојба), ограничете го контактот на вашите деца со други луѓе.

Размислете за одложување на посетите или патувањата за да ги видите постарите членови на семејството и бабите и дедовците. Поврзете се виртуелно или со пишување писма и нивно испраќање преку пошта.

(Извор: Centers for Disease Control and Prevention – CDC)

ПОВРЗАНИ НАПИСИПОВЕЌЕ ОД АВТОРОТ