Слаткиот компир – батат е одличен како храна за бебето, бидејќи е полн со хранливи состојки и е со пријатен сладок вкус. Веќе од 6. месец на децата може да се сервира кашичка од сладок компир.
КАКО СЕ ЧУВА?
Може да го чувате на темно и студено место до две недели, но не го чувајте во фрижидер. Подготвената кашичка може да се чува еден, најмногу два дена во фрижидер. Батат е погоден за замрзнување – излупете го и исечете го на кругови или коцки и веднаш замрзнете го.
ИМУНИТЕТ
Бататот е богат со витамини и минерали, содржи влакна, витамин А и Ц, манган, тиамин, ниацин, витамини Б5 и Б6 и бета каротен. Сето тоа допринесува за здрав имунитет на детето, особено што витамините А и Ц се и силни антиоксиданти. Витаминот А помага во стимулација на имуните клетки, кои се борат против болести и инфекции.
Калиумот од бататот е важен електролит кој помага во регулирање на работата на срцето и нервните сигнали. Слаткиот компир содржи и магнезиум кој делува смирувачки. Влакната кои ги содржи се важни за варење и нормална работа на цревната флора.
