Бебе на 11 месеци во целост е емоционално предадено на едниот родител. Може да се јави и сепарациска анксионзост, но и први знаци на вистинска љубов.
Што сега прави?
Со 11 месеци бебето ќе стане емоционално зависна од вас и би можело да биде тажно и да му е тешко кога не сте присутни. Се обидува да ве усреќи и целосно ви е верно.
Хранењето станува забавно, бидејќи бебе со полни 11 месеци може целиот оброк да го изеде само користејќи ги рацете. Фрлањето и буткањето и натаму му се омилена занимација, па немој да се чудите ако празната чинија одлета од масата.
Пиењето од чаша или шише со клун, за него станува интересно оти веќе има стекнато самодоверба. Ако некоја работа ја направи добро,а вие го поддржите со аплауз, бидете сигурни дека истото ќе го повтори уште неколку пати.
Како комуницира?
Може да ве фати за работ на панталоните или сукњата за да ви каже дека сака да го земете во раце и ќе реагира на вашите расположенија и чувства. Не се чудете на неговата плачливост или нервоза ако подолго време го оставите, бебињата на оваа возраст се чувствуваат нелагодно кога им недостасуваат мама и тато.
Како може да им помогнете?
На сепарациската анксиозност пристапете самоуверено, но и благо. Немојте да го напуштате бебето кога не гледа, туку поздравете се како со возрасен. Објаснете му дека излегувате, дека ќе се вратите и напуштете ја просторијата. Нормално е бебето да заплаче, а исто така е нормално и да се ви лути кога ќе се вратите.
