Бебето на 17 месеци конечно, на олеснување на родителите, може некое време да биде само со своите играчки. Но, на оваа возраст нема да сака така лесно да ги дели своите играчки со други деца.
Со 17 месеци детето може само да ги собере играчките и да оди со нив, а веројатно може и да трча во права линија, Учи преку обиди и грешки – прави нешто, гледа дали тоа функционира, а потоа се обидува нешто друго. На оваа возраст бебето станува посесивно околу своите играчки, и нема така лесно да ги дели со други деца.
Како комуницира?
Детето може да го направи она за кое ќе го замолите, на пример да ја донесе својата чаша. Тоа е и прилика во која бебето на оваа возраст со задоволство ќе се докаѓува и ќе им помага на родителите. Љубовта ја искажува гушкајќи и бакнувајќи, а може и само да ви мафне за поздрав. Знае отприлика 10. зборови и со задоволство ги користи во секоја прилика, и тоа сите одеднаш во еден здив. Ова е вистинско време за читање сликовници и учење на имињата на животните и објектите во околината. На 17 месеци, детето има вистински испади на бес и лутина кои најчесто се манифестираат со плачење и викање “не“. Тоа е сосема нормален дел од развојниот пат.
Како може да помогнете?
Сега со него имате многу повеќе работа ( и забава) бидејќи потпрашува, ви одговара и сака се да истражи. Обезбедете му многу активности и излегувања, а како е се поподвижно, постојано набљудувајте го.
Испадите на бес може да бидат напорни и неблагодарни, но на секој пристапете му со ладна глава и држете се до она што сте го кажале. Бебето на оваа возраст не може да ја разбере опасноста околу себе, но мора да научи дека мора да ги слуша родителите.
