Зад вас е бурен период, а вашето бебе веќе брои пет месеци. Се повеќе внимателно ќе ги следи вашите зборови, но и вас како се движите во просторот.
Што сега прави?
Со наполнети пет месеци, бебето може да фаќа предмети, но се уште не ги употребува палците. Главата може да ја држи исправено и може да се дига во седечка положба, бидејќи телото непрекинато му се зајакнува. Многу сака да си игра со своите нозе и да ги фаќа со рацете.
Некои научници тврдат дека бебеињата на пет месеци веќе ги разбираат сите основни гласови кои ги содржи мајчиниот јазик. До шестиот месец веќе би можело прв пат да изговори и “мама“ и “тато“, кои за волја на вистината, се уште нема да ги разбере, но тоа не значи дека вам ќе ви биде помалку возбудливо.
Како комуницира?
Бебето ја знае разликата помеѓу вас и останатите личности. Едноставно е како залепено до вас, особено кога е уморни или вознемирено. Но, тоа не значи дека не е друштвено. Кога ќе види непознато лице ќе го направи првиот чекор и тоа со насмевка или гугање додека не добие одговор.
Како можете да му помогнете?
Играчките ставете ги да бидат оддалечени толку да по нив мора да се посегне и потруди. Како ќе се развива координацијата на рацете и на очите, бебето ќе може се побрзо да ги фаќа работите.
Веќе на пет месеци бебето развива своевиден смисол за хумор, па може да му се криете, да ѕиркате под ќебе, да правите смешни гримаси или да прозведувате звуци од животни.
