Зад вас е првото тромесечие, кое можеби е и најтешко во периодот до првата година од животот на детето. Но, опуштање нема, бидејќи бебе на четири месеци бара поголема активност.
Што сега прави?
На четири месеци бебето ги препознава блиските лица, но не сфаќа дека вие сте само една личност – секој пат кога ќе ви види, мисли дека тоа е некоја друга личност.
Како комуницира?
Бебето ќе ви се смее обидувајќи се да го привлече вашето внимание, дури и кога пред него нема да правите гестикулации со лицето.
Како може да му помогнете?
Бебињата сакаат допири. Секоја активност која ќе ви падне на памет, а вклучува допирање, на бебето со четири месеци ќе му биде исклучително корисна и забавна.
Дајте му да се игра со работи од различни текстури, како дрвени лажици и останати безбедни кујнски помагала или пак хартија која пука. Вклучете се во играта и нема да верувате колку дрвената лажица може да биде забавна.
Ставете го бебето пред огледало и гледајте како се забавува. Се уште не го препознава својот одраз, но вака добро се забавува.
