Ова е магично време кога бебето конечно полни една година. Ако се уште не почнало, вашето бебе од 12 месеци наскоро ќе ги направи и првите чекори.
Што сега прави?
Бебето стигна и до првиот роденед и веќе тоа и не е толку бебесто. Хранењето станува забавно, оти бебе со 12 месеци се обидува со лажицата да ја погоди устата или воопшто да се храно. Игрите во овој период стануваат поактивни и понасочени кон јакнење на телото.
Сложувањето и рушењето се омилена активност, како и фрлањето играчки. Бебето на оваа возраст не ја разбира опасноста, па внимавајте играта што ја игра да е безбедна.
Како комуницира?
Со вперување на прстот кон саканата работа е начин на подобрување на коминкацијата со вас, а во овој период може да се очекуваат и првите зборчиња, на слогови.
Како може да му помогнете?
Рутината е многу важна за бебињата со 12 месеци, затоа повторувањето на важни активности, како капење, легнување на спиење во исто време, миење заби и семејни оброци, гарантираат помала можност за нервозно бебе. Имено, бебето во овој период често ќе биде нервозно пред легнување или по играта. Вашата утеха, но и повторувањето на рутината ќе им помогне подобро да се носат со дневните активности.
