Конечно сте го запознале своето бебе и се ви е ново и интересно. Што бебето навистина прави во првиот месец и како да му помогнете да напредува? Сосема е природно да сакате да дознаете што повеќе за првите недели на своето бебе.
Што бебето прави?
Иако штотуку се родило, бебето веќе рефлексно изведува движења како при одењето. Ако го држите така да стапалата му допираат рамна хоризонтална површина, ќе прави ситни чекори. Шаките поголем дел од времето му се стиснати, а ако му ставите прст на дланката, ќе го зграпчи. Ќе ве набљудува додека му зборувате и можеби ќе почне да ги имитира изразите на вашето лице.
Првиот месец е воедно и најинтензивен, бидејќи тогаш и мајката и бебето се учат едни на други, доење, спиење и општо воведување во дневен и ноќен ритам.
Како комуницира првиот месец?
Не е се што сега прави случајно и бесмислено – дури кога ќе помине првиот месец, вашето бебе ќе почне да се смее во сон. Исто така, со плачењето ќе ви каже кога нешто му треба, што веќе и добро го знаете.
Како може да помогнете?
Еден од начините на кои бебето учи и се развива е имитирањето на вашите изрази на лицето, па затоа не се воздржувајте да го забавувате со разни изрази на лицето. Во оваа фаза, исплазувањето јазик е учење, па затоа пробајте да го направите тоа и следете дали бебето ќе се обиде да ве имитира.
