Со адекватна гардероба и заштита, д-р Невенка Ракетиќ, педијатар и имунолог вели дека новороденчињата веќе од првиот ден може да ги прошетате во парк.
Заблуда е дека бебето може надвор дури по 40 дена од раѓањето. Д-р Ракетиќ вели дека новороденчињата веднаш може да ги изнесете во парк.
Идеално време за шетање е рано наутро до 10 часот и попладне од 18 до 20 часот. „Бебињата исклучиво треба да шетаат по паркови, подалеку од улици и друга бука„, вели таа.
„Што се однесува до изборот на гардеробата, детето треба да биде облечено во склад со временските прилики, како што се облекуваат и родителите. Единствено што е задолжително е капа и шалче„.
Излегувањето на воздух и престојот на сонце, па и во зима, имаат големо значење бидејќи благите сончеви зраци допринесуваат за синтеза на витамин Д3, кој е клучен за коските, забите и за јакнење на имунитетот, а кој се наоѓа во мајчиното млеко.
„Секако дека на бебињата од раѓање им се дава суплемент на витамин Д, но неговите природни извори се подеднакво важни„, вели д-р Ракетиќ.
