Детето ги поминува првите неколку години од својот живот главно спиејќи. Всушност, новороденчињата спијат околу 14 до 17 часа на ден! Со оглед на тоа што толку многу спијат, можеби се прашувате дали бебињата сонуваат. Ако сонуваат, што сонуваат и што значат нивните соништа?
- Дали бебињата сонуваат?
Искрено, можеби никогаш нема да дознаеме. Иако додека ги гледате како спијат, тие во сон се движат, се намуртуваат, испуштаат звуци со устата или се смеат, тоа не може да биде ништо друго освен интересни соништа.
Но, нешто се и рефлекси, на пример, ако вашето бебе се грчи, нагло се затресува, мафта со рацете или прави звуци додека спие, станува збор за Моро рефлекс.
РЕМ фазата на сонот, која се карактеризира со брзи движења на очите, а која чини колу 20% до 25% од спиењето на возрасните, е време кога возрасните сонуваат. Според Американската академија за педијатрија, доенчињата поминуваат околу 50% од својот сон во РЕМ фаза – двојно повеќе од возрасните.
Интересно е и тоа што мозочните бранови, слични на оние во РЕМ фазата на спиење, биле забележани кај фетуси помеѓу 25. и 28. недела. Значи, еден дел од научниците претпоставува дека РЕМ спиењето започнува уште во матката.
Но, друг дел на научници има свои теории засновани на фактот дека, за да сонуваат, на бебињата им е потребна способност визуелно и просторно да ја замислат ситуацијата. Бидејќи немаат развиена самосвест, не можат да сонуваат.
Со други зборови, само затоа што новороденчето може да ја доживее својата околина не значи дека има способност да сонува сосема нова средина.
Во 2002 година, детскиот психолог Фулкс утврдил дека малите деца не почнуваат да сонуваат додека не можат визуелно и просторно да ја замислат својата околина – па дури и тогаш нивните соништа се статични и еднодимензионални. Тој тврдел дека децата не почнуваат да сонуваат сликовити наративи додека не наполнат најмалку 7 години, бидејќи им треба јасно чувство за идентитет.
