Ново истражување ќе ве натера одново да размислите пред следниот пат да почнете да викате на својот сопруг пред бебето. Всушност, студијата потврдува дека бебињата може да знаат дали возрасното лице е склоно кон лутина и можеби ќе се обидат да го променат однесувањето за да ја смират таа личност.
“Нашето истражување сугерира дека бебето ќе направи се што може за да избегне да биде мета на бесот. Во овој најмлада возраст бебињата веќе имаат развиено начин да останат безбедни. А, тоа е паметен и прилагодлив одговор“, објаснува авторката на студијата Бети Репачоли, од Институтот за учење и мозок на Универзитетот во Вашингтон.
Еве што истражувачите забележале откако во два одвоени експерименти погледнале стотина деца на возраст од 15 месеци.
Во првиот експеримент, целта била да се изложи бебето на гнев од непознато лице – некој кого се уште не го познавале, кое комуницира со други и да видат како бебето ќе реагира.
Родителите го држеле бебето во прегратка, а наспроти нив непознато лице си играло со играчки. Тогаш, непознатиот би реагирал неутрално или би бил бесен и огорчен. Кога истражувачите дозволиле бебето да се сврти кон играчките забележале нешто интересно. Помалку е веројатно дека бебето ќе сака да си игра со играчката на некоја непознатото лице реагирало негативно. Но, кога реакцијата била неутрална, бебето почнувало да си игра со играчките така како што играло непознатото лице.
Втората студија била надоградба на првата. Овој пат биле направени многу примамливи играчки за бебето и му било дадено прво да си игра со нив. По некое време, непознато лице побарало да си поигра со таа играчка. 69% од бебињата кои биле сведоци на лутина на непознатото лице, ја превртиле играчката, и само 45% ја подилеле со непознато лице но кога се однесувале неутрално.
