Ново истражување ќе ве натера следниот пат два пати да размислите пред да почнете да викате на својот сопруг пред бебето. Всушност, студиите потврдуваат дека бебињата може да знаат дали возрасното лице е склоно кон лутење и можеби ќе се обидат да го сменат однесувањето за да ја смират таа личност.
“Нашето истражување сугерира дека бебето ќе направи се што може за да избегне да биде мета на бесот. Во оваа најмлада возраст веќе имаат развиено начин да останат сигурни. Тоа е паметен, прилагодлив одговор“, објаснува авторката Бети Репачоли од Институтот за учење и мозок при Универзитетот во Вашингтон.
Еве што истражувачите забележале откако во два одвоени експерименти следеле стотици деца на возраст од 15 месеци.
За првиот, чии резултати се објавени со списанието Developmental Psychology, целта била да се изложи бебето на гнев од непознато возрасно лице, кое се уште не го познавало, а кое комуницира со други и да се види како бебето ќе реагира.
Се било едноставно: Родителите го држеле бебето во скут, а наспроти нив непознато лице играло со играчки. Тогаш непознатата личност реагирала или неутрално или била бесна или огорчена.
Кога истражувачите дозволиле бебето да се сврти кон играчката, забележале нешто интересно. Помалку било веројатно бебето да сака да игра со играчката на која непознатото лице негативно реагирала и не го имитирало начинот на игра. Но, кога реакцијата била неутрална, бебето со ограчката играло онака како што било прикажано.
Уште пофасцинантно: Непознатата личност се вклучила и во вториот круг на игра и тоа со онаа играчка на која се налутила, но овој пат играла неутрално. Без оглед, бебето и овој пат ја исклучило таа играчка.
“Тоа е како бебето да не верува дека непознатата личност сега е мирна. Еднаш кога бебето ќе открие дека некој е склон кон гнев, тешко дека тоа ќе го отфрли. Тие прифаќаат пристап – подобро да се спречи отколку да се лечи – нема да ризикуваат, иако ситуацијата очигледно се променила“, објаснува Репачоли.
Второ истражување, кое е објавено во списанието Infancy, го надоградува првото. Овој пат истражувачот направил многу примамливи играчки за бебињата и им било овозможено прво да си играат со нив. По некое време, непознатото лице побарало малку да си поигра со таа играчка. И сега станува интересно: 69% од бебињата кои биле сведоци на лутината на непознататото лице, ги превртеле играчките. Од друга страна, само 46% од бебињата ја поделиле играчката со непознатото лице чиј пристап бил неутрален.
