Според студија на научници од Калифорнија, бебињата совршено разбираат како возрасните да ги направат среќни.
Научниците од Универзитетот во Сан Диего, тврдат дека бебињата свесно ги смеат мајките, оти очекуваат тие да им возвратат со ист израз на лицето. Имено, бебињата ја воспоставуваат ваквата комуникација со мајките, оти сакаат да ги видат како се смеат. Во истражувањето учествувале бебиња на возраст помеѓу четири и 17 недели, и нивните мајки.
Научниците сакале да откријат кои реакции се појавуваат кога мајката и детето истовремено се смеат и кога ниту еден не се смее. Испитувале и што се случило кога само мајката се смее, и што кога само детето се смее.
За да ги измерат ефектите на однесување на мајките и нивните бебиња, користеле техники кои се користат во роботиката, психологијата и технолошката наука. Бебињата покажале специфично однесување кога нивните мајки се смешкале, во однос на однесување кога имале сериозен израз на лицето. Бебињата им се насмевнувале на мајките, кога мајките гледјаќи ги во очи им се насмевнувале, што научниците и го очекувале. Во ситуации кога веќе (од претходно) насмеаните мајки се свртувале кон своите бебиња, се случувало спротивното: бебињата не им возвраќале. Бебињата враќале насмевка, само кога била спонтана и исклучиво насочена и наменета за нив.
