Анализата на статистичките податоци, спроведена од експерти од Универзитетот во Санкт Петербург, за ширењето на COVID-19 во различни земји покажала дека нивото на пациенти заболени со COVID-19, но и стапката на смртност се поврзани со факторот вакцинација со БЕСЕЖЕ. Стапките на смртност биле пониски во земјите каде што претходно постоела или продолжува да постои национална програма за имунизација со БЕСЕЖЕ вакцина
Руските научници објавија истражување за директната врска помеѓу забавувањето на ширењето на коронавирусот во земјите каде што се спроведува масовна вакцинација со вакцини против туберкулоза.
Универзитетот во Санкт Петербург, Русија основан по наредба на Петар Велики, е еден од најстарите универзитети во Русија. Група истражувачи од Медицинскиот факултет „SpbGU“, спроведоа комплексно истражување што ја поврзува брзината на ширење на вирусот COVID-19 и неговото времетраење со задолжителната вакцинација против туберкулоза.
Ова прашање беше дискутирано од страна на научната заедница уште во пролетта, кога научниците од целиот свет активно ја разгледуваа врската помеѓу вакцината против туберкулоза во раното детство и воспалението на белите дробови со новата коронавирусна инфекција. Досега, статистичките податоци засновани врз пациенти лекувани од COVID-19 не беа доволни за да може да се извлечат заклучоци. Денес, лекарите низ целиот свет почнуваат да наоѓаат важни законитости, кои ќе овозможат заштита на луѓето во иднина.
Анализата на статистичките податоци, спроведена од експерти од Универзитетот во Санкт Петербург, за ширењето на COVID-19 во различни земји покажала дека нивото на пациенти заболени со COVID-19, но и стапката на смртност се поврзани со факторот вакцинација со БЕСЕЖЕ. Стапките на смртност биле пониски во земјите каде што претходно постоела или продолжува да постои национална програма за имунизација со БЕСЕЖЕ вакцина и особено ревакцинација: во Источна Европа, Финска, Кина, Јапонија, Кореја, Централна и Јужна Азија, Африка, но и во низа други земји меѓу нив и поранешните држави на СССР. Значително повисока стапка на смртност има таму каде што масовна вакцинација со вакцина БЕСЕЖЕ никогаш не била извршена или престанала да се спроведува во последните 20 години, на пример во Америка, Италија, Холандија, Белгија…
Научниците од Универзитетот во Санкт Петербург дојдоа до заклучок дека ефектите на силниот имунитет се достигнуваат доколку вакцината БЕСЕЖЕ се дава во незрела форма на имунолошкиот систем
На пример, во Русија БЕСЕЖЕ се дава еднаш во животот на новороденчиња. Токму дејството на вакцината врз имунолошкиот систем кој е во формирање обезбедува адекватен ефект на зајакнување на имунолошкиот одговор на организмите на различни, а меѓу нив и високо заразни антигени.
Четири земји – Белорусија, Казахстан, Туркменистан и Узбекистан спроведуваат ревакцинација – се вакцинираат двапати. Научниците од Универзитетот во Санкт Петербург дојдоа до заклучок дека ефектите на силниот имунитет се достигнуваат доколку вакцината БЕСЕЖЕ се дава во незрела форма на имунолошкиот систем. „Постојат основи дека ефектот од втората вакцинација ќе биде значително помал“, објасни Леонид Чурилов, научникот кој беше супервизор на студијата.
Во исто време, постојат трудови и истражувања од Холандија, каде што вакцинацијата против БЕСЕЖЕ не била спроведена во детството, кои покажуваат дека давањето на вакцината на возрасен не ја влошува, туку дури и ја олеснува болеста кога пациентот е заразен со новиот коронавирус.
Како делува?
Едноставно кажано, БЕСЕЖЕ вакцината го предизвикува „обучениот“ или вроден и адаптивен одговор на имунолошкиот систем во рамките на нашите тела, што може да понуди заштита од тежок облик на COVID-19, тврдат истражувачите.
Според руските научници, вакцината БЕСЕЖЕ го лансира истренираниот имунитет кој ги активира моноцитите, макрофагите и природните клетки убијци – клетките кои ја мобилизираат неспецифичната одбрана на организмот. Исто така произведени по вакцинирањето со БЕСЕЖЕ, интерферон гама и други медијатори на крајот може да придонесат за помалку сериозен тек на болеста. Студијата е објавена во рускиот журнал „Juvenis scientia“.
- ПРОЧИТАЈТЕ И…
