Во текот на летото, многу семејства одат на одмори, пократки или подолги, на море, на планина или во посета на некои градови. Дури и ако патувате само во близок град, важно е секогаш да размислувате за безбедноста на вашето семејство и да бидете подготвени и за некои „не дај Боже“ ситуации.
Педијатарката д-р Евгенија Маљагина за родителите состави список на најважните работи што треба да ги понесете на патување со деца, особено ако имате бебе под една година.
Антипиретици: овие лекови односно сирупи можат да помогнат ако детето почне да го мачи никнување на заби, но и ако добие температура.
Средства за чистење на носот: добро е да имате со себе физиолошки раствор за чистење на носот, но и назален аспиратор кој ќе ви помогне да ги отстраните секретите од носот на малото.
Средства за орална рехидратација: во случај на губење на течности предизвикани од дијареја или повраќање, овие раствори можат да помогнат во надоместувањето на течноста. Само, обрнете внимание да купите производ кој е соодветен за возраста на детето.
Антихистаминик кој е соодветен за дете во однос на неговата возраст.
Антисептик со кој ќе третирате некоја раничка, исеченица, фластер и завој.
Производи за нега на кожата што секојдневно ќе ги користите за детето. Исто така, не заборавајте го емолиентен крем кој ја одржува функцијата на кожната бариера и кремата за сончање.
Доколку детето зема некои лекови на дневна основа, понесете ги со себе во доволна количина за целиот одмор.
Можеби ќе ви требаат и термометар, ножички и памучни дискови.
Д-р Маљагина истакнува дека дури и ако не ви треба сè од списокот, подобро е да го имате при рака. Таа потсетува и да не заборавите да го проверите датумот на истекување на сите лекови што ги носите со себе.
Доколку детето има хронична болест, најдобро е да се консултирате со лекар пред патувањето.
