Во текот на бременоста, телото на жената е под влијание на хормони, кои носат и одредени промени. Повеќето се вообичаени и ќе ги искуси речиси секоја трудница, но има и такви за кои помалку се знае, но сепак се случуваат во нормална бременост.
Многупати е пишувано на оваа тема, но овие се четири промени кои никако не треба да ве паничат и загрижуваат, и не дека не се јавуваат кај жените, но за нив нешто поретко се зборува.
- Повеќе плунка во устата
Голем број жени во текот на првото тромесечје се жалат дека во устата им се собира огромна количина на плунка. Толку многу, што понекогаш им пречи и во разговор. Овој проблем често е поврзан со утринските мачнини, па добра вест е дека треба да исчезне веќе во вториот триместар.
- Стапалата чешаат, дланките се црвени
За време на бременоста кожата се растегнува и тоа не важи само за таа на стомакот. Зголемениот доток на крв во кожата и повисокото ниво на естроген се најверојатната причина за појава на црвени дланки и чешање на кожата. Сепак, овој симптом не е секогаш незагрижувачки, па ако состојбата почне да се влошува, треба да посетите лекар.
- Крв од носот и од непцата
Промената на нивото на хормоните може да влијае и на зголемување на дотокот на крв во ноздрите. Истовремено тоа допринесува и непцата да станат почувствителни од претходно. Овие симптоми се најизразени во второто тромесечје.
- Коса и нокти
Уживајте додека трае. Повисокот ниво на естроген и зголемената циркулација обезбедуваат дополнителни хранливи материи за косата и за ноктите.
