Многу родители се плашат кога треба да патуваат сами со бебето. Се плашат од непредвидени ситуации и што да прават ако бебето почне да плаче додека се на автопат.
Возењето на бебето на предното седиште изгледа како најдобра идеа, бидејќи возачот, најчесто мајката, во тој случај може да види што се случува со малиот сопатник. И законот дозволува на предното седиште да се возат најмладите патници во седиште за бебиња, кое се става обратно. Ако решите да тргнете на пат, задолжително мора да го исклучите воздушното перниче кај совозачот.
Меѓутоа, оваа идеа има и лоши страни. Стручњаците ги објаснуваат предностите и мааните на таа позиција.
Пред се, бебето покрај возачот знае да му го одвлече вниманието. Од друга страна, предното место е најзагрозено, бидејќи ако дојде до некоја опасна ситуација, секој возач инстиктивно реагира, така што ќе го сврти воланот на лево, поставувајќи ја предната десна страна како најзагрозена. Тоа е дел од секундата, тогаш нема време да се размислува, тоа е инстиктивна реакција на возачот, заради тоа се советува децата да бидат позади.
Идеално место е седиштето да се постави на средина од задното седиште. Треба да се внимава убаво да се намести седиштето и да се прицврсти со појас. Доколку нема појас на средината, тогаш бебешкото седиште прицврстете го или зад возачкото, или зад совозачкото седиште.
