Ако имате мал непливач во семејството, бидете внимавателни. Имено, пливачите и освојувачи на златни олимписки медали Роуди Гејнс, Френклин Џонсон и Кален Џонс велат дека мускулите за пливање даваат лажно чувство на сигурност.
„Ако децата носат мускули за пливање, мислат дека се безбедни во водата, па следниот пат кога ќе видат водна површина, би можеле да потрчаат кон неа. Затоа, ако баш мора да користите мускули, направете го она што треба да го правите, но знајте дека вашето дете не е безбедно само поради тоа што ги носи“, рече Френклин Џонсон во емисијата „Тудеј“.
Роуди, кој ја води „Step Into Swim“, иницијатива која промовира едукација за безбедноста во вода, верува дека мускулите се одлична алатка за навикнување на децата на водата. Но посочува дека тие не треба да се користат како изговор да не се грижите за детето додека е во вода.
Стручните лица ги советуваат родителите да ги запишат своите деца на часови по пливање. Имено, истражувањата покажале дека тоа го намалува ризикот од давење за неверојатни 88 проценти
„Ги замолувам родителите да не ги тргаат очите од децата кога се во или околу вода. Мускулите им даваат на родителите лажно чувство на сигурност“, предупредува тој.
Наместо тоа, експертите ги советуваат родителите да ги запишат своите деца на часови по пливање. Имено, истражувањата покажале дека тоа ќе го намали ризикот од давење за неверојатни 88 проценти.
Дополнително, уште еден професионалец, Натали Ливингстон, потсетува дека само затоа што детето знае да плива, родителите не би требало да претпоставуваат дека нема опасност од давење.
„Гледаме дека давење им се случува и на оние кои знаат да пливаат. Луѓето може да имаат медицински проблеми, да добијат грч, да се уморат и да исчезнат под вода“, заклучи таа.
