Постојат голем број работи што родителите треба да ги имаат во малиот прст: распоред за спиење, стратегија за дисциплина, правила за времето пред екрани. И да, безбедноста на автомобилските седишта. Иако сето ова е важно за здравјето и благосостојбата на децата, безбедноста во автомобилот е една од најважните работи. Сообраќајните несреќи се водечка причина за смрт кај децата во САД. Овие се 8 факти кои секој родител треба да ги знае за седиштата во автомобил.
- Ако седиштето се движи повеќе од 2,5 цм од двете страни, не е правилно поставено
Важно е кашишите на градите на детето да бидат колку што е можно поприцврстени, а всушност да не ги повредат. За да го проверите ова, користете го методот на стегање. Ако во ременскиот појас има опшштеност кога го затегнувате со палецот и показалецот, тој треба да се затегне.
- Подобро е седиштето да го свртите наназад
Ако вашето дете е доволно мало за да можете да го ставите во автомобилско седиште свртено наназад, направете го тоа – без разлика дали има 18 месеци или 48 месеци. Експертите насекаде сугерираат родителите да ги држат децата свртени наназад што е можно подолго.
- Тестот на стискање на рамениот појас спасува животи
Доколку постои и најмала разлабавеност на рамениот појас кога ќе го стегнете со палецот и показалецот, потребно е да се затегне. Игнорирајте го плачот на вашето дете. Ова е неопходно за нивната безбедност.
- Дебели јакни / палта и седиштата не се добра комбинација
Бебе или мало дете во автомобилско седиште облечено во дебело зимско палто или скијачко одело е опасно.
- Горен ремен постои со причина
Една од најмалку познатите безбедносни карактеристики на седиштата за во автомобил, барем според истражувањата, е горниот ремен. Општо, вовлечен надвор од видното поле на задниот дел од седиштето, се користи за да се спречи превртување на седиштето на автомобилот свртено нанапред при сообраќајна несреќа. Секој продаден автомобил по 2001 година има три сидра. Кога конечно ќе се сврти седиштето, од клучно значење е да се осигурате дека ременот е прицврстен.
- Поскапо седиште не значи дека е позбедно
Сите седишта за во автомобил, кои се продаваат во САД мора да ги исполнуваат истите стандарди на Националната управа за безбедност во сообраќајот. Што значи тоа? Најбезбедно седиште е она што одговара на возилото и на детето, како и она кое е правилно поставено и користено.
- Играчки и додатоци за седишта се строго забранети
Играчки, огледала и други додатоци може да се олабават при удар и да удрат во детето – а ако се судрите при брзина, дури и најмало парче пластика може да направи голема штета. Еве основно правило: ако не е испорачан заедно со седиштетето или ако не го препорачува производителот на автомобилски седишта, не го користете додатокот.
- Родителите ненамерно ги забораваат бебињата на задно седиште
Автомобилско седиште свртено наназад, бебе кое спие и ненаспан родител може да доведат до смртоносна комбинација. За жал, сите читаме за потресни приказни на родителите кои заборавиле на своите деца во автомобилт. Ако редовно го возите вашето бебе низ град или во градинка, набавете звучен аларм за автомобилското седиште. Алармот ви дава до знаење дека бебето е на задното седиште и може да спаси живот!
