♦♦♦♦♦♦♦
Научниците од САД и Велика Британија идентификуваа стотици мутации на вирусот што ја предизвикува болеста Ковид-19, пренесува Би-Би-Си. Она што научниците не успеаја да утврдат е што точно значи ова за ширењето на вирусот кај популацијата и колку ќе биде ефикасна вакцината откако ќе се открие.
Прашањето што се поставува е дали некоја од овие мутации го прави вирусот поопасен и дали доведува до негово полесно ширење.
Прелиминарното истражувања во САД покажува дека една мутација – D164G – е најдоминантна и би можела да доведе до забрзување на ширење на болеста кај луѓето, пишува Би-би-си.
Ова истражување сè уште не е објавено во ниту едно научно списание. Научниците од Ново Мексико откриле дека оваа мутација предизвикува побрзо растење на вирусот, но последиците од тоа сè уште не се јасни.
Прелиминарното истражувања во САД покажува дека една мутација – D164G – е најдоминантна и би можела да доведе до забрзување на ширење на болеста кај луѓето, пишува Би-би-си
Истражувачите ги анализирале податоците од заразените пациенти од Шефилд и откриле дека заразените лица кои ја имаат оваа мутација во тек, имаат поголема количина на вирусот во нивните примероци. Сепак, тие не дошле до заклучија дека како резултат на тоа, пациентите биле болни подолго време болни или имале потешки симптоми.
Друга студија од Лондон идентификувала дури 198 мутации на коронавирус. Еден од авторите на студијата, професор Франсоа Балокс, вели: „Мутациите сами по себе не се лоша работа и нема ниеден доказ дека коронавирусот мутира побрзо или побавно од очекуваното. Не можеме да кажеме дека коронавирусот станува повеќе или помалку опасен и заразен”.
Студијата од Универзитетот во Глазгов, која исто така ги следела мутациите на вирусот, тврди дека тие не довеле до развој на нови видови на коронавируси. Заклучиле дека досега циркулира само еден тип на вирус SARS-CoV-2.
