Болка во грбот – Овој тип на болка може да се појави во било кое време, но вообичаено се случува, кога поради тежината на детето, се обидувате да се исправите наведнувајќи се наназад што ги притиска мускулите и пршлените во долниот дел на грбот. Обидете се да избегнувате подигање на тешки предмети, да клекнувате со свиткани колена, а додека седите, грбот нека ви биде добро потпрен.
Крварење на непцата – Хормоналните промени може да предизвикаат таложење на наслаги на забите, што може да доведе до крварење на непцата. Важно е особено да внимавате на хигиената на усната шуплина и да избегнувате зашеќерни пијалаци и многу слатко. Додека сте бремени, можете да ги лекувате забите и направете најмалку два стоматолошки контролни прегледи.
Грч – Може да почувствувате ненадејна оштра болка во нозете или стапалата, често навечер. Обидете се да ги свиткате ножните прсти нагоре кон зглобовите и тријте го зафатениот мускул. Редовно вежбајте, практикувајќи лесни активности, што ќе помогне грч повторно да не се појави.
Запек – Некои дополнителни хормони кои се јавуваат за време на бременоста може да предизвикаат опуштање на цревата и нивна намалена активност и ефикасност. Од помош ќе ви биде ако внесувате повеќе овошје, зеленчук и вода.
Несвестица – Може да почувствувате несигурност во нозете ако предолго стоите или нагло станете. Тоа се случува бидејќи во вашиот мозок не циркулира доволна количина на крв и доколку нивото на кислород падне прениско, може и да се онесвестите. Полека станувајте, било од седечка или од лежечка положба, и ако стоите, седнете и спуштете ја главата кон колената.
