Психолозите веруваат дека секундарната неплодност многу потешко ги погодува паровите отколку примарната неплодност, бидејќи е неочекувана. Постојат бројни причини за секундарна неплодност. Овие се најчести кај жените:
Старост
Кога се зборува за плодност кај жените, возраста игра клучна улога. По 35. година од животот, бројот на квалитетни јајце клетки почнува да опаѓа, а менструалните циклуси се скратуваат и стануваат неправилни. Овие фактори го отежнуваат зачнувањето. Затоа, ако првото дете сте го добиле на 35 години, а другото се обидувате на 38, може да очекувате одредени потешкотии заради возраста.
Гинеколошки проблеми
Доколу имате ендометриоза или полицистични јајчници,а нивната состојба со годините се влошува и може да бидат причина за секундарна неплодност.
Здравствена состојба
Со годините се зголемува и ризикот од дијабетес и хепертензија. И едното и другото може да бидат причини за секундарна неплодност. Исто така, неизлекувана депресија може да го отежне забременувањето.
Дебелина
Жените кои се дебели имаат проблеми со хормоните и со изостанок на овулација. Со годините метаболизмот се успорува, а често остануваат и килограмите од првата бременост.
Компликации во првата бременост
Инфекции на карлицата, па дури и лузната од царскиот рез може да биде причина за секундарна неплодност.
Затоа, доколку сакате второ или трето дете, не се опуштајте. Грижете се за своето здравје и внимавајте на телесната тежина, на крвниот притисок, јадете здраво, движете се, вежбајте и чувајте го психичкото здравје.
