Се проценува дека дури 50 отсто од децата во одреден момент ги чувствуваат последиците од болките при растење. Но, и покрај тоа што се многу чести, има многу мистерии околу овој тип на болки. Еве што треба да знаете за болките при растење и како да му помогнете на вашето дете доколку се појават.
Болките при растење всушност се однесуваат на болки во нозете кои се јавуваат кај децата, најчесто ноќе, објаснува педијатарот Данел Фишер, која додава дека оваа состојба обично се појавува на возраст од три до 12 години.
„Ова обично се случува кај здрави деца, а тие најчесто се жалат на болки во текот на ноќта кога знаат и да ги разбудат од сонот“, вели Фишер. Симптомите може да вклучуваат непријатна болка, обично во долниот дел на нозете, а може да се почувствуваат и зад колената.
Но, зошто болките при растење најчесто се појавуваат ноќе? Како што објаснува педијатарот Гери Решак, причината веројатно е што децата едноставно се повеќе зафатени во текот на денот и тогаш не ги забележуваат толку многу како навечер. Исто така, истакнува Фишер, хормонот за раст се активира токму кога децата спијат. „Често можеме да ја слушнеме фразата дека растеме додека спиеме, а тоа е навистина точно. Токму овој раст преку ноќ може да го зголеми ризикот од болки“.
Иако тие можат да бидат крајно непријатни за детето, болките при растење не треба да влијаат на нивото на неговата активност или да го попречуваат неговото функционирање во текот на денот. Во случај кога детето често се жали на болка и тешко ги поднесува, педијатрите препорачуваат да се побара лекарска помош
Има многу мистерија околу болките при растење, дури и во медицинската заедница. „Генерално, причината за растечките болки сè уште е непозната. Некои студии сугерираат дека постои одредена поврзаност со прекумерната употреба на екстремитетите, но нема точни докази кои би го потврдиле тоа“, објаснува Решак. Имено, тој смета дека болките единствено би можеле да бидат поврзани само со високиот интензитет на физичката активност на детето во текот на денот.
Со него се согласува и педијатарот Фишер. „Студиите едноставно не се доволно убедливи. Исто така, секој има различни прагови на болка и тоа може да игра значајна улога во тоа зошто некои деца чувствуваат болки при растење повеќе од другите“.
Какви болки се нормални, а кога треба да посетите лекар?
Педијатрите советуваат како може да се ублажат овие болки. Имено, родителите можат да се обидат да ги масираат нозете на детето или да ги лекуваат болните места со топли облоги. Иако болките при растење се чести и не претставуваат опасност по здравјето на детето, во некои случаи е неопходно да се побара помош од лекар. Тоа се:
- болка која ја зафаќа само едната нога,
- неодамнешна повреда,
- куцање или отежнато одење,
- црвенило,
- оток,
- модринки,
- осип,
- треска,
- болка која трае и втор ден.
Иако тие можат да бидат крајно непријатни за детето, болките при растење не треба да влијаат на нивото на неговата активност или да го попречуваат неговото функционирање во текот на денот. Во случај кога детето често се жали на болка и тешко ги поднесува, педијатрите препорачуваат да се побара лекарска помош.
