Сигурно барем еднаш во животот сте се нашле во ситуација во која вашето бебе одново и одново ги соблекува чевличките или патиките, а вам, како и на многу мајки, од тоа ви се исправа косата на глава. Но, науката тврди дека вашиот кошмар го гуши детскиот развој, раст и слобода.
Во таа насока, контроверзна студија која ги збуни родителите низ светот, ги разбива митовите за настинките, бон-тонот и телесните проблеми. Истражувањето е спроведено на Универзитетот Комплутенс во Мадрид и силно заговара оставање на боси нозе кај бебето. Имено, иако многумина родители се уште веруваат дека босоногото одење може да предизвика чести настинки, и дека не е пристојно, ако бебето се чувствува лагодно и среќно и може правилно да се развива и истражува, зошто не го оставите босо?
Еве што вели науката
“Кога ќе им се облечат чевли, лишени се од корисни забележливи информации кои може да играат важна улога во нивниот централен нервен систем“, наведуваат експертите. Стручњаците од овој универзитет објавија студија со наслов: превентивна педијатрија – Босоногите бебиња резултираат со попаметни деца, која предизвика дискусии во јавноста.
Имено, истражувачите ја критикуваат продажбата и рекламирањето чевли за деца “шетачи“, како и претераните педијатриски препораки дека чевлите мора да бидат на нозете, што е чин потребен само за одржување на топлината на стапалата, велат стручњаците.
Гентил Гарсија, предупредува дека покривањето на детските стапала ја скратува перцепцијата на положбата и движењето на нивното тело во однос на просторот. Според него, моторичките способности на босоногите деца созреваат побрзо, со визуелна и рачна координација. Поради тоа ја истакнува важноста на оставање на бебето босо и тврди дека стапалата претставуваат пат што бебето го информира за надворешниот свет низ кој се запознава со различни површни и текстури.
Во подрачјето на неврологијата се верува дека бебшките стапала се почувствителни на допир од нивните рачиња до десетиот месец од животот, па во текот на тие први месеци од животот, стапалата извршуваат важна функција: бебето експериментра и учи со тактилен контакт. Ова е важно бидејќи на детето му овозможува прва концептуализација за себе, просторот, времето и причините.
Возрасните честопати се чувствуваат нервозни кога гледаат боси бебиња, но на децата така им е многу поудобно и повеќе би сакале да бидат голи и боси отколку облечени. Оваа студија ја смирува загриженоста покажувајќи дека, покрај тоа што босите деца се посреќни, тоа придонесува и за подобар и побрз развој на координацијата и помага да се воспостави подлабока врска со околината.
