Појавата на синдром на немирни или нервозни нозе во бременоста не е реткост, и статистиките покажуваат дека со него се соочуваат над 20 проценти од жените.
Експертите не посочуваат која е можната причина која доведува до појава на оваа состојба, иако се спроведени безброј истражувања. Никој не знае зошто овој синдром се појавува кај жените во бременост, иако порано никогаш него имале овој проблем. Од друга страна, постојат бројни теории кои велат дека синдромот се појавува поради недостаток на железо и фолати во организмот, како и по хормонално пореметување, односно зголемено ниво на естроген.
Оваа состојба се карактеризира со неверојатна потреба да ги раздвижите нозете за да се ослободите од вкочанетост, трнење или пецкање, тогаш веројатно страдате од синдром на немирни нозе кој може многу да влијае на сонот.
Синдромот лесно се препознава, бидејќи се јавува обично кога одморате, или пред спиење, или ако сте седеле подолг временски период, на пример во кино или за време на подолго патување. Синдромот на немирни нозе, жените обично го чувствуваат во нозете, но може да се појави и на стопалата, шаките и рацете.
За среќа, жените кои ќе го искусат овој синдром за време на бременоста треба да знаат дека состојбата е моментална и дека по породувањето се ќе се врати на старо. Симптомите најчесто се појавуваат во 7. и 8. месец од бременоста и со раѓање на бебето едноставно исчезнуваат сами од себе.
