Обрнете внимание на временската прогноза. Преголема вруќина може да резултира со порано раѓање, сугерира истражување објавено во списанието „Epidemiology“.
Канадските истражувачи ги прегледале записите од 219.319 живородени во однос на температурата и откриле дека топлотните бранови (дефинирани како температури над 32 степени четири до седум дена по ред) се поврзани со 27 отсто поголем ризик од предвремено раѓање, во споредба со умерените временски услови. Значи, бремените жени кои биле изложени на екстремна топлина подолго време имале поголема веројатност да се породат во 37 и 38 недела, за разлика од вообичаените 40 недели.
Истражувачите открија изненадувачка врска помеѓу високите температури и предвременото породување
„Бременоста станува физички попредизвикувачка како што се приближувате до датумот на породување“, вели Натали Аугер, доктор на науки, истражувач на Одделот за социјална и превентивна медицина на Универзитетот во Монтреал и автор на студијата. Размислете за топлината како дополнителен стрес на веќе исцрпеното тело: „Физичките стресови – како топлината – имаат поголемо влијание на 37-та или 38-та недела отколку порано во бременоста“, вели д-р Аугер.
Бремените жени кои биле изложени на екстремна топлина подолго време имале поголема веројатност да се породат во 37 и 38 недела, за разлика од вообичаените 40 недели
Иако 37-та недела може да изгледа доволно блиску, последните неколку недели во утробата се важни за развојот на вашето бебе.
Мозокот, белите дробови и другите органи сè уште созреваат и се подготвуваат за живот надвор од матката.
„Сакате да го ‘износите’ бебето цел термин? Седете на ладно колку што можете повеќе“, вели д-р Аугер која исто така предлага и да пиете многу вода и да останете во сенка или во климатизирани простории.
