Ембриогенезата (формирањето на органи) конечно е завршена и до крајот на бременоста, најголеми промени ќе се случуваат на телесната тежина и висина на бебето. Феталниот раст продолжува со забрзано темпо. Продолжува обликувањето на лицето кое се повеќе наликува на човечко лице. Со растењето на ноктиња на рацете и на нозете се завршува развојот на прстите. Бебето е многу подвижно и на ултразвучниот преглед се забележуваат нагли и силни движења кои се спонатни, но неволни. Бебето е долго околу 6,5 сантиметри, а тешко од 10 до 15 грама.
Во периодот помеѓу 11.-13. недела од бременоста се прават тестови кои одредуваат дали постои зголемен ризик за појава на одредени хромозомопатии (Даунов, Едвардсов, Патау синдром).
Иако матката е значајно зголемена, стомакот се уште не мора да се забележува. Матката во овој период има околу 10 сантиметри и полека излегува од малата карлица во стомачната шуплина. Паралелно со зголемување на матката се создава и притисок на останатиоте органи, додека притисокот на мочниот меур полека попушта.
Треба да се води сметка и за држењето на телото – многу движења за кои нормално не размислуваме (стоење, одење, седење), бараат прилагодување на бременоста.
За да одржувате рамнотежа, носете рамни чевли. При стоење во место, опуштете ги трамената и исправете го грбот. Истегенете го вратот и свиткајте го задникот. При дигањето товар, чучнете, држејќи го грбот исправен, а товарот подигајте го служејќи се со нозете и мускулите на бутовите.
