БРЕМЕНОСТ ПО НЕДЕЛИ – 11. недела

Со напредувањето на бременоста, и со делувањето на хормоните доаѓа до пораст на базалниот метаболизам, како и на волуменот на крвта.

Главата на вашето бебе се уште со својата големина го надминува телото и ја чини речиси цела половина од должината на телото. Причина зошто тоа се случува е многу раниот почеток на развојот на мозокот. Ушните школки се преместуваат од вратот кон нивното место на главата. Напредува и развојот на останатите органи. Во стомакот се развиваат цревата, кои може да се видат и на ултразвук и во папочната врвца, што за овој период на ембриогенеза е сосема нормално. Цревата во текот на идната недела се враќаат на своето место, во стомакот. Се развива и мускулниот слој на цревата, кои почнуваат да добиваат перисталтика. Се довршува и развојот на надворешните полови органи на бебето.

Бебето е долго 4,5 – 6,0 сантиметри, а тешко е од 8 до 10 грама.

Со напредувањето на бременоста, и со делувањето на хормоните доаѓа до пораст на базалниот метаболизам, како и на волуменот на крвта. Најголемо влијание на порастот на базалниот метаболизам има порастот на функцијата на штитната жлезда, чија активност по влијание на естрогенот расте за некои 25%.

Отприлика толку изнесува и порастот на базалниот метаболизам. Волуменот на крвта расте за време на цела бременост. При тоа, значаен е порастот на плазмата чија количина расте за 30%, додека процентот на крвните клетки -25, не го следи овој пораст на крвната плазма, поради што се јавува анемија. Од истата причина се препорачува контрола на крвната слика најмалку два пати во текот на бременоста, на самиот почеток, како и околу 28. недела од бременоста.

Со порастот на базалниот метаболизам, и волуменот на крвта, може да чувствувате налети на топлина и потење. Внимавајте на доволниот внес на течности и избегнувајте масна храна.