Продолжува развојот на мускулите и на коските кај бебето. Особено се развива фината мускулатура на лицето и на вратот, така што бебето може да отвора уста, очните капаци и да ја витка главата.
Продолжува и интензивниот развој на половите жлезди: доколку станува збор за женски фетус јајчниците на бебето сега содржат околу 5 милиони јајце клетки. Оваа бројка ќе расте уште некопе време, а потоа настапува нивна атрезија, така што девојче бебе се раѓа со два милионои јајце клетки.
Бебето сега е долго од 14 до 16 сантиметри, а тешко од 80 до 120 грама.
Различни се мислењата и ставовите на гинеколозите по прашањето за занимавањето со спорт, како и спортски активности во бременоста. Постојат ставови на одредена група лекари дека спортот го јакне мускулното дно на кралицата и со тоа го отежнува породувањето, но тие наводи треба дополнително и подетално да се испитаат. Умерените спортски активности , како пливање, лесно вежбање и пешачење не само што се дозволени, туку и се препорачуваат за време на бременоста. На тој начин се зголемува силата, се подобрува циркулацијата и варењето.
Доколку сте здрави и немате проблеми во бременоста, дозволени се спортски активности, се додека добро се чувствувате, но пулсот не смее да преминува над 130 отчукувања во минута.
