Продолжува развојот на кожата на бебето која е тенка и проѕирна и низ која се гледаат многу крвни садови. Лануго влакненцата ја прекриваат речиси целата површина на кожата на бебето, а појасно се јавуваат и влакненца на образите. Почнува да расте коса на главата, а пигментните клетки почнуваат да создаваат црн пигмент.
Се развиваат центрите за окостување и коски, како и коскената срж која ја превзема функцијата во создавањето крв на детето. Зглобовите на бебето се се подвижни. Сега бебето може прстињата да ги стисне во тупаница.
Бебето е долго 10-12 сантиметри, а тешко 50-100 грама.
Сега и вашиот стомак е јасно препознатлив. Со растење на волуменот на крвта почнува и прилагодувањето на организмот на зголемен напор, пред се срцето ја зголемува својата работа за 20%. Се јавува и зголемена срцева фреквенција (забрзана работа на срцето и забрзан пулс).
Со завршување на првото тромесечје од бременоста и со намалување на тегобите, прифаќањето на промените кои се случуваат, расте и желбата за нежност, што многу често го оживува и интересот за телесен контакт. Совршена положба за водење љубов за време на бременоста е положбата еден до друг, со што се избегнува притисок на стомакот и градите, кои може да биде болен за трудницата.
Стравот дека при половиот однос може да го повредите детето е неоснован, бидејќи детето во матката е многу добро заштитено.
