Во оваа недела бебето добива на тежина и се поправа неговиот тонус на мускулите. Тешко е околу 1000 грама, а долго над 37 сантиметри. Бебето сега почнува и да трепка со очите. Трепките се до крај пораснати и подготвени се да ги штитат бебешките очи од штетните материи по раѓањето. Исто така, бебето распознава светлина и темнина. Централниот нервен систем е доволно развиен да може да ја регулира телесната температура.
Со 28. недела, почнува третиот триместар, период во кој ве очекуваат непријатности, како грчеви во нозете, проширени вени, отоци, лоша дигестија, замор, раздразливост… но и доаѓање на вашето бебе. Во последните три месеци од бременоста, ќе добиете околу 5кг на телесната тежина, од кои 3-3,5кг ќе тежи вашето бебе. Потребата за течности се повеќе ќе се зголемува.
Вагиналниот секрет во овој период, вообичаено се зголемува. Како помош може да послужи памучна долна облека и користење на влошки. Обратете се кај матичниот гинеколог ако се посомневате дека сте добиле габична инфекција.
Во долниот дел на нозете може да почувствувате непријатно пецкање и потреба да ги движите додека се обидувате да се одморите или да спиете. Ако ова чувство не се куги кога се движите, можеби имате синдром на немирни нозе. Никој со сигурност не може да каже што го предизвикува ова, но е релативно честа појава кај бремените жени. Обидете се со масажа и истегнување на нозете, намалете го внесот на кофеин кој може да ги влоши симптомите.
