Бебето сега е веќе прилично тешко и тоа околу 3000 грама, а долго и над 49 сантиметри. Има силен стисок, што ќе го почувствувате кога прв пат ќе го фатите за раче. Неговите органи се зрели и подготвени за животот надвор. Лекарот ќе процени колкаво е бебето во овој момент, но никој со сигурност не може да каже колкаво ќе биде на раѓање.
Сите тегоби кои ги имате во последните недели и натаму ќе ве мачат. Повремената отеченост на стапалата и зглобовите се сега нормална појава, но побарајте лекарска помош доколку забележите исклучителна или изненадна отеченост на стапалата, зглобовите или рацете, отеченост на лицето и очите и ако наеднаш сте добиле на телесна тежина. Информирајте го лекарот ако имате повремени или постојани главоболки, промени на видот, интензивна болка во горниот дел од стомакот, мачнини или повраќање. Ова се симптоми на сериозна состојба која се нарекува прееклампсија.
Водете сметка да не дехидрирате! Внесувајте доволно количини течности и јадете овошје и зеленчук.
